A Feira do Viño de Chantada é das máis madrugadoras e máis coñecidas feiras do viño da Ribeira Sacra e de toda a provincia de Lugo. Por algo será… 

O 12 de marzo de 1983 celebrouse a primeira edición da Feira do Viño de Chantada e o pregón leuno don Antón Fraguas Fraguas, catedrático e director do Museo do Pobo Gallego.

A feira nace para poñer en valor os viños da zona, en especial da uva mencía, e adaptarse aos cambios do sector vinícola do sur da provincia de Lugo.  Unha feira que colle impulso cando se crea en 1996 a Denominación de Orixe Ribeira Sacra, da que Chantada forma parte. 

Neste momento é unha das feiras de viño máis importantes de Galicia.

Cando se celebra a Feira do Viño de Chantada?

Normalmente celébrase a segunda fin de semana de marzo, sendo o pistoletazo de saída ás feiras vitivinícolas de viño con  DO Ribeira Sacra. Aínda que en 2022 tívose que pospoñer a principios de xuño. 

Por que non che podes perder a Feira do Viño de Chantada?

Porque a Feira do Viño de Chantada é unha festa para pasalo ben, moi ben. Bailar coas charangas e coas orquestras na verbena, escoitar música tradicional e degustar os produtos galegos máis típicos (polbo, empanada, carne ou  caldeiro…). E por suposto gozar dos viños das  adegas (adegas) da zona tanto nas catas comentadas como percorrendo as casetas mentres soa a gaita de fondo.

Que máis che vas a atopar na Feira do viño de Chantada?

Ademais de ser un evento festivo tamén é un evento profesional. Xa que os profesionais do sector vitivinícola contan cun espazo propio: o Túnel  do Viño de Chantada, no que compartir coñecementos, técnicas, ferramentas e establecer alianzas.

Pero tamén é o momento en que os colleiteiros se achegan ao seu público e falan con el, escoitando o que lles gusta e o que non lles gusta.

Unha feira do viño para ir cos peques da casa? 

Por suposto. Grazas aos talleres e  ocioteca infantil gratuíta para maiores de 3 anos e os seus amplos horarios, ti e a túa parella poderedes estar tan a gusto gozando da feira, a música e un momento de diversión cos amigos.

Que facer en Chantada para aproveitar eses días? 

Ademais do fermoso casco antigo e os numerosos exemplos de  románico, Chantada é o quilómetro 100 do Camiño de Inverno. Camiño de Santiago que se engade a outras opcións de sendeirismo onde gozar do Río Miño e do Monte Faro. E aínda por riba Chantada é unha das portas de entrada á Ribeira Sacra. Así que poderás admirar tamén o espectáculo natural das  viñas que descenden desde a montaña ata o río. Impresionante!

Así que xa sabes, visita a Feira do Viño de Chantada e proba os seus viños Mencía e  Godello, que tanto amor pola terra teñen, arraigamento que se transmite de xeración en xeración.

Porque… Con pan e viño faise o Camiño.