Que é Festigaleiros

Atopa de forma sinxela e gratuita plans de ocio en Galicia os 365 días do ano

O noso desexo é ser moito máis que o mellor directorio de plans de ocio e festas en Galicia.

Queremos que teñas un lugar onde ser parte de algo, onde poidas sentir a cultura popular galega. E ese lugar é Festigaleiros, a plataforma dixital onde atopar de forma doada, áxil e completa información actualizada e veraz sobre Mercados, Festivais, Feiras e Festas en Galicia.

Grazas ao buscador poderás atopar de forma sinxela eventos segundo as túas preferencias, clasificados por categorías, datas e zonas. Tamén poderás consultar a ficha de cada evento e coñecer a súa historia a través de textos, imaxes e vídeos, así como atopar datos de interese (datas, localización, enlaces, organizador, recomendacións, cartaz, programa…) e engadir ese evento aos teus favoritos, partillalo cos teus amigos ou engadilo ao teu calendario. Así non se che escapará nada.

Vimos que non existía ningunha plataforma que integrase toda a información de mercados, lugares, Feiras, festivais e festas de Galiza de forma completa, actualizada, xeolocalizada e, ademais, personalizada. Unha comunidade na que poder ter un usuario, buscar segundo as túas preferencias, gardar as túas festas favoritas e estar informado das novidades. ¡ Festigaleiros era unha necesidade, así que creámola!

FESTIGALEIROS nace para que cada vez máis persoas coñezan e conecten coa cultura popular galega, amosando e invitando a descubrir o patrimonio inmaterial galego a través das súas festas, tradicións, lendas, artesanía.

Queremos que ti, os teus amigos e a túa familia descubrades Galicia e desfrutedes de…