O Oenach Atlántico é unha festa castrexa declarada de Interese Turístico de Galicia no ano 2014. Esta celebración ten lugar sempre na parroquia de Sedes, que pertence ao Concello de Narón.

Este evento ten un obxectivo claro: poñer en valor a nosa historia e cultura, manténdoa viva a través das xeracións futuras. Poderás mergullarte na cultura castrexa… Para iso recréase a vida dunha aldea na que poderás vivir en directo as demostracións dos mestres artesáns e a artesanía da época, xogos, música e gastronomía, entre moitas outras actividades que buscan realzar a cultura e as tradicións dos pobos castrexos, unha época importante que nos representa e que xa é un símbolo na historia de Galicia.

Entre os actos máis destacados do Oenach Atlántico atopamos o acendido do lume acompañado de música galega, que marca o inicio da festa; as noites de concertos de música tradicional, as obras de teatro, o photocall, as mostras de raza, as demostracións de artesanía ou o Oenach Gastronómico, un espazo no que veciños e visitantes poderán degustar unha ampla variedade de pratos elaborados de forma artesanal.

Pola tarde haberá xogos populares, actuacións de música e baile tradicional, e representarase as diferentes obras que esta festa nos ten preparadas para que viaxemos no tempo e sintamos máis preto as historias dos antigos castrexos.

Un imprescindible é o concerto de clausura, un dos momentos máis divertidos para os visitantes. ¡Sorprenderannos a todos coa súa música, seguro!

Todo isto e moito máis terá lugar no campamento castrexo de Sedes, o enclave único no que se poderá gozar desta animada festa e do seu ambiente tan especial para todo aquel que a visita, que ano tras ano se repite, espertando o interese de cada vez máis persoas, xa que a todos nos esperta algún sentimento vivir a historia das nosas terras para entender as nosas costumes e tradicións, esas que tanto nos gustan e nos representan.