O Día da Bicicleta, que consiste nun percorrido en bicicleta que remata cun sorteo de agasallos e unha degustación de chocolate con churros (para repoñer as forzas perdidas…).

O Subidón dos avós,  unha iniciativa que gustou moito xa desde a primeira edición en 2018. Os avós e avoas fabrican os seus propios carriños e carretas sen motor, engalánanos e condúcenos por Rábade cos seus netos. Enxeño e bo humor, pero sobre todo, unha forma de conectar  ese amor tan grande entre dúas xeracións. O importante é pasalo ben, así que, ademais dos premios, todos levan un agasallo para casa.

E por suposto, dentro das festas de verán de Rábade o Rabafolc e a Esbatuxada merecen especial atención…

Que é o Rabafolc das festas de Rábade? 

Rabafolc é o festival de música folk que fai vibrar Rábade durante unha xornada. Xa se cumpren 25 edicións, o que di moito desta iniciativa. Gozarás dos sons tradicionais e ritmos innovadores de artistas destacados da escena galega.

Que é a Esbatuxada das festas Rábade?

A Esbatuxada de Rábade é unha mestura entre as carrilanas de Esteiro, os Caneiros de Betanzos e o Entroido.  Nenos, adolescentes e adultos descenden polo Miño con embarcacións caseiras de todo tipo: ambulancia, barco pirata, Torre Eiffel, ata unha barra de bar…

Unha celebración onde se unen a imaxinación e a festa coa retranca das mensaxes e disfraces. A auga que non falte nin por abaixo nin por arriba. Se vas, terminarás mollado… As risas: aseguradas!

Os menos atrevidos poderán gozar do espectáculo desde a bela ponte medieval de pedra.

Que pasa o Día da Descarga das festas de Rábade?

O ruído, o fume e o cheiro a pólvora despiden ao grande as festas de verán de Rábade.

Ven en agosto a vivir as festas de Rábade. Os teus amigos agradeceranche que lles descubriras esta divertida proposta!