Cada 19 de Xaneiro, na véspera de San Sebastián, celébrase a tradicional Festa dos Fachós de Castro Caldelas, declarada Festa de Interese Turístico de Galicia

Esta celebración xunto coa Queima das Fachas de Castelo e o Folión das Fachas de Vilelos, é unha das tradicións de culto ao lume máis importantes de Galicia.

A festa, que comeza ao caer o sol e se prolonga durante toda a noite,  consiste na celebración dunha procesión na que centos de persoas cargan os seus fachós (antorchas de palla) seguindo ao gran fachón que ten uns 30 metros de lonxitude, resultando así espectacular.

A procesión sae da igrexa dos Remedios, recorre o casco histórico e os arredores do Castelo de Castro Caldelas para voltar ao atrio da igrexa, onde se queiman todos os fachós nunha gran fogueira.

A festa e o baile están asegurados!

Non te perdas esta bonita tradición, vémonos en Castro Caldelas!